طريقة الزربيان على أصوله ياسلام:
المقادير:
حوالي 3 أو 4 بصلات وسط مقطعين جوانح نقليهم بزيت غزير شوي ونصفيهم ونستخدم من الزيت تبعهم للدجاج والرز
مقادير خلطة الدجاج
كيلو دجاج
حبتين بطاطا وسط مقطعين مكعبات كبييرة لحتى ماتنهرس معنا أثناء الطبخ
نصف كوب لبن
بهارات صحيحة (هيل + قرفة + ورق غار + قرنفل )
5 ملاعق زيت (أبو بصلة ماغيرو)
بهارات مطحونة ملعقة صغيرة من كل من (كركم + كمون + كاري + بابريكا + هيل + قرفة)
نصف ملعقة صغيرة ثوم بودرة ممكن استبداله بالطازج
نصف ملعقة صغيرة فلفل أسود
الملح حسب الرغبة
نصف كمية البصل المقلي
مقادير الر
3 كوب رز بسمتي
4 ملاعق زيت ماغيرو
بهارات صحيحة هيل + قرفة + ورق غار + كمون حب + ملح حسب الرغبة
انا ماكان عندي كمون حب حطيت ناعم
فحم للتدخين
طريقة التحضير:
اول شي رح نقلي البصل ليتحمر منيح نصفيه ونحطو عجنب ورح نستخدم من الزيت تبعو للدجاج والرز
نجي للدجا
نحط من زيت البصل والبهارات الصحيحة ونقلبهم مع بعض ليتحمصو سوا ولون الجاج يصير أبيض
نضيف عليهم البهارات المطحونة وقطع البطاطا واللبن ونصف كمية البصل المقلي وربع كاسة مي ونقلب كل شي سوا منيح ونوطي النار شوي ونغطيهم ونتركهم يغلو ويندمجو سوا على مهل ليستوي الدجاج
بهالأثناء رح نجهز الرز
نحط من زيت البصل مع البهارات الصحيحة والكمون ونحمصهم فيه ونضيف المي والملح وبس تغلي نضيف الرز نغليه حوالي 8 دقايق ومنصفيه من المي
المرحلة الأخيرة هية التطبيق بس يستوي الجاج نحط طبقة من الخليط تبعو بالطبق اللي رح ندخلو الفرن ونحط فوقو طبقة رز وطبقة خليط جاج وبصل محمر وزبيب ومرة تانية رز وبصل محمر وزبيب ونحط الملون آخر شي منغطي الطبق بالقصدير ومنحطو بالفرن حوالي ثلاث أرباع الساعة ليكمل طهي عالبخار
بهالأثناء نجهز الفحم وبس نطالع الزربيان من الفرن نطفي اللحم عليه متل مو واضح بالصور ونغطي الطبق تماما حوالي عشر دقايق ليتدخن منيح منفتح ونقلب الطنجرة .
تعليقات
إرسال تعليق